Mauro Staraj napisao snažnu pjesmu, spominje se istarska zemlja, pogledajte zašto se toliko širi!

Mauro Staraj lani u Šumberu

Mauro Staraj glazbenik je koji je na Istri i Kvarneru stekao ime prekrasnim pjesmama koje je napisao i otpjevao za Koktelse, a da bi nakon toga kroz solo karijeru sve to još nadogradio nekim hitovima koji su fantastično primljeni od strane publike.

Sinoć je na svojoj Facebook stranici objavio nešto što se možda može nazvati „himna Istre“, a nazvao ju je „Preko reda“. Reakcije su veoma snažne, veliki broj ljudi je podijelio njegove stihove, a prije nego Vam ih prenesemo, zaželimo da Mauro iste i uglazbi…

PREKO REDA

Sada je dve hiljade i dvajseta
Štorija vavek ista
Prepoznaj se
O tebe gre ovista

Klečiš pred oltaron
Stavjaš Isusa i Papu na zidi
Ma sejno se parkiraš
Na meste za invalidi

Svi su ti krivi
I sunce i mesec i daž
Ne zna niki niš
Al ti, ti se znaš

Za takoveh ko ti
Neće nikada nać leka
Ti si slika i prilika
Današnjega čoveka

Govorili su stari
Ne bojte se pasi ki laju,
Ma takovi ko ti
Danas najboje pasaju

Mašiš i otpevaš, zijaš
Proklinješ i nebo i more i zemju
Pitan te lepo
Ča ti delaš tu?

Tebe niki niš ne more
Tebe niki ne zapoveda
Ti rojen si da greš
Preko reda, preko reda

Tebe ne pomore ni smeh
Ni kanat, ni lepa beseda
Tebe je valda i mat rodila
Preko reda, preko reda.

Vavek krivi su drugi
Vavek neč ne vaja
Voliš često reć
“A znaš ti ki san ja”?

Streseš se i na tetu z butigi
I na breka ki na ceste leži
Ča ne vide, ča ne znaju
Ki si ti?

A kad te neki slučajno pogodi
va tvoju švohnu Ahilovu petu
Pozivaš se brzo
Na devedesprvu ili pak četrdespetu

Mastiš po sen oven mojen
Po ovoj svetoj, mojoj, domaćoj zemje
Radi takoveh ko ti
I Gervais i Jardas se va grobe vrte

Znaš, ja san pak srećan čovek
Zahvalan na semu
Bedast, aš su nas vadili
Deca, cito, da se ne bite zamerili kemu

I dok bušaš bandjeru
I kjaneš se va famiju, zemju i Njega
Reć ću ti znaš ča?
Veći domoljub od tebe san ja.

Ne moran to zijat
Saki kuščić mojga tela to zna
Da sveta mi je ova moja
Istarska zemja

Ja čekan va rede
I z butigericun ćakulan
Ne gledan je ti nonić
Bil črni il partizan

I kad vidin breka
Kako pul cesti leži
Š njin poćakulan
Aš je sto puti boji leh ti

Pa gren hodeć doma
Pozdravin suseda
Dan je bil baš lep
A nisan šal preko reda. Preko reda.

Zato, čuj me, telac!
Nećeš prit srat na moj tarac.
Kad me vidiš, samo gledaj drito
I da si bil kuco, da si bil cito!

Kad te drugi put vidin
Lepo pozdravi butigericu.
Prigni se i bušni
Moju istrijansku zemjicu.

Ovde se pošteno žive
I još vavek vredi lepa beseda.
Ovde više nećeš
Preko reda, preko reda.

Facebook
Twitter
WhatsApp
Email

pročitajte još