Daniel Mohorović, labinski književnik i profesor, podsjetio je jučer, 7. listopada, na stradanja u mjestima Barbići i Kunj. Prenosimo uz dozvolu.
“1943./2023.
Sako leto na sedan otobra barba Anjelo Miletić ot Moleh Turin nopet je ona otrok ot sedan let manje sedan don: i danas, osandeset let pokle anke je lep don, pun svetla, teplini, sunce ugaja kako va angošte, danas je subota-kvarnor i trete je bi cetrtak, crni cetrak, kat je crna armija na Kunje i poli Borbić, pret ocijami nonah, materah, sestrah, kćerah i sinah ubila 33 noneti, oci, sini i brati ot šesnajs do šezdeset i šes let, Borbići so goreli, mesto i vreme se zaledilo; barba Anjelo va rukah drži kvartin od kega je esesovac pi, pameti vozi, na njimi lancunani mrtvi, na pute do cimitara Svetega Martina, kede će hi njihove ženske zakopat.
Daniel Mohorović”
